影片
更多
2022-12-03
57 瀏覽
🌟餐廳：醉胡爐📍地址：尖沙咀柯士甸路20號保發商業大廈地舖💰價位：～$200 - $400⏰營業時間：星期一至日17:30 – 22:00📱電話：2606 2106呢兩日氣溫突然急降，好凍呀！！怕凍既我梗係要搵返間又高質又有特色之餘，湯底亦要好滋補既火鍋店暖暖胃！今晚一於同媽媽去「醉胡爐」試下先！餐廳於柯士甸路地鋪，大大間好易搵。餐廳裝修時尚，亦設有多間獨立箱房，私隱度位高之餘，又寧靜舒適，可以舒舒服服咁慢慢嘆返個邊爐夜。———————————————————🔹火鍋醬料一坐底店員就送上一個木架有齊各種醬料，如自家制辣椒油、蒜蓉、炸蒜、花生醬、沙嗲醬、蔥花、芫茜等，好整齊咁一碗碗放係木架上，我地可以按自己既喜好，配搭出心水既火鍋醬料，既方便又窩心！———————————————————🔹泰式無骨鳳爪打邊爐之前，一於點返個小食開開胃先～泰式無骨鳳爪材料豐富，味道帶點微微酸辣，開胃之餘仲好惹味！———————————————————🔹濃湯佛跳牆雞翅鍋令人嘩一聲既湯底！湯鍋用左一個金色銅鐵鍋盛載，好奢華既感覺，好似食緊宮廷菜咁haha！材料好豐富好滋潤，有鮑魚、花膠、翅、螺片、海蔘、雞肉同娃娃
📍地址：尖沙咀柯士甸路20號保發商業大廈地舖
💰價位：～$200 - $400
⏰營業時間：星期一至日17:30 – 22:00
📱電話：2606 2106
呢兩日氣溫突然急降，好凍呀！！怕凍既我梗係要搵返間又高質又有特色之餘，湯底亦要好滋補既火鍋店暖暖胃！今晚一於同媽媽去「醉胡爐」試下先！
餐廳於柯士甸路地鋪，大大間好易搵。餐廳裝修時尚，亦設有多間獨立箱房，私隱度位高之餘，又寧靜舒適，可以舒舒服服咁慢慢嘆返個邊爐夜。
———————————————————
🔹火鍋醬料
一坐底店員就送上一個木架有齊各種醬料，如自家制辣椒油、蒜蓉、炸蒜、花生醬、沙嗲醬、蔥花、芫茜等，好整齊咁一碗碗放係木架上，我地可以按自己既喜好，配搭出心水既火鍋醬料，既方便又窩心！
———————————————————
🔹泰式無骨鳳爪
打邊爐之前，一於點返個小食開開胃先～
泰式無骨鳳爪材料豐富，味道帶點微微酸辣，開胃之餘仲好惹味！
———————————————————
🔹濃湯佛跳牆雞翅鍋
令人嘩一聲既湯底！湯鍋用左一個金色銅鐵鍋盛載，好奢華既感覺，好似食緊宮廷菜咁haha！
材料好豐富好滋潤，有鮑魚、花膠、翅、螺片、海蔘、雞肉同娃娃菜，再加埋金華火腿粒熬制，提鮮一流～湯底厚身得黎仲好鮮甜添！我同媽媽忍唔住飲左兩大碗湯先，實在太正啦，飲完成個人暖笠笠！
———————————————————
🔹手切頂級安格斯肥牛
打邊爐就梗係要嗌手切頂級安格斯肥牛！安格斯牛肉霜降均勻分布，手切厚度剛剛好，一入口充滿濃郁牛肉味及牛脂油香，必試之選～
———————————————————
🔹招牌手打丸類拼盤
提供5款手打丸，分別有黑松露墨魚丸、皇帝柱貝墨魚丸、芝心蝦丸、梅菜豬肉丸同手打香茜炸菜牛丸！每一款手打丸都真材實料，夠哂爽彈又香～我最鍾意黑松露墨魚丸同埋梅菜豬肉丸！黑松露墨魚丸食到粒粒墨魚粒，好有嚼勁，加入黑松露味，特別香濃！梅菜豬肉丸好創新，啖啖梅菜甜味，加埋爽滑既豬肉，估唔到兩者可以咁夾！！
———————————————————
🔹特色餃類拼盤
有鮑魚蝦餃王、黑松露蟹肉餃、手工雲吞、自家製韮菜餃及香荽豚肉餃，每一款餃子都包到脹卜卜，好足料！特別鍾意鮑魚蝦餃王，蝦肉超多好爽彈，加埋鮑魚粒，好有層次感，食一粒已經好飽haha～
———————————————————
🔹蔬菜拼盤
有齊皇帝菜、油麥菜、唐生菜及娃娃菜，緊有一款岩你心水！打邊爐最鍾意就係娃娃菜，夠淋身之餘，又可以索埋濃郁既湯底，大滿足！！
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
好耐無試過可以係一個咁舒適寧靜既環境，歎返個高質既火鍋！重點係佢地既湯底，無論擺盤定食材都令我地超驚喜，好味好滋補之餘，打卡亦一流，記得飲返兩碗先打邊爐呀haha！特別一讚店員亦好貼心，主動協助客人加湯～
張貼
