赤鯛 (已結業)

囡囡又停課了，提早放暑假，溫了幾日考試，今日放學後決定畀佢休息下，同佢出咗灣仔食日本料理「赤鯛」，主打鯛魚濃湯烏冬。囡囡好識食，點咗鮑魚花膠鯛魚濃湯烏冬（$128），配元祖波子汽水（$16）。我就平平哋食個38蚊嘅下午茶餐，墨汁墨丸鯛魚濃湯烏冬，仲免費送杯柚子茶，好抵食。女女個烏冬好大碗，有兩隻鮑魚同幾大片花膠，份量好多。鮑魚同花膠都炆得好腍，好入味。茶餐份量都好足，墨汁墨魚丸超彈牙，又鮮甜，好好食，性價比好高。