佳寧娜潮州菜

營業中

休息中

傳統老牌潮州酒樓，少數仍然做出真正潮菜味道嘅地方，功夫茶一入口就知正野，平時夜晚飲茶會瞓唔著，呢個茶飲咗更好瞓，看似有d神奇咁，但試過好多次，绝非巧合，滷水香醇不嗆喉，鵝肉個人覺得稍老，可以改善，但亦有人稱之為有口蠔仔鮮甜，所以蠔烙，蠔仔粥都美味，留意蠔烙係煎嘅，內裡juicy,外皮金黃香口，但唔算好油好熱氣，一般配魚露，我個人自小食法會加配桔油，佳寧娜係少數有桔油提供嘅地方，近幾年試過去一d新開賣潮菜嘅食店，問攞桔油，對方先迷惘，我再廣東話潮州話分別講一次，對方扮明，之後比碟辣油比我，所以有時去佳寧娜就係為咗碟桔油，推介炒䱽魚片，今次食榄菜炒，魚片大大件相當肥美，榄菜馬蹄惹味，之前食過頭抽煎的同樣不錯，裝修後加了價，但份量味道保持水準，cp 價仍然高。