Wheatfield X 羅宋湯專門店 (MOKO新世紀廣場) (已結業)

喺花墟行完街，順便試吓一D 新的菜式，呢間餐廳主打羅宋湯，套餐$85起，價格大眾化，可以一試。海派牛腩羅宋湯麵跟糖心蛋，包一杯飲品，個咖啡杯超出一般尺寸，估唔到跟餐有咁大杯即磨咖啡。羅宋湯比較濃厚，有少許辣，亦有少量蔬菜，唔會太重蕃茄味，反而有濃濃雜菜湯的味道。牛腩質素高，脂肪比例均勻，唔會有太多筋，炆得好淋，吸引好多羅宋湯味。基本上飲晒所有羅宋湯。迷你蝦多士，炸得唔錯，蝦味濃厚，飽皮脆，$58有6件，抵食。香煎鹹牛脷脆豬仔包，厚切鹹牛脷，豬仔飽焗得脆，咬落有層次感。