影片
更多
2023-10-24
1251 瀏覽
以前係英國exchange成日都會去到環境昏暗而且好熱鬧嘅bar & resturant，但個時作為學生就覺得嘢食又貴又普通，但而家諗返起都會覺得好懷念🥰係香港原來都有間充滿英倫風格嘅The Globe，環境格局十足十係英國🇬🇧都有吧枱、掛上滿滿啤酒杯、播放球賽嘅電視、木系裝修，仲有好多外國人幫襯，瞬間好似返番去London一樣😻但係今次叫嘅幾款菜式水準都幾好👍🏻👍🏻唔係普通嘅bar food，想感受下英倫嘅氣氛可以bookmark一下。Scotch Egg超級經典嘅英式菜，係香港唔係咁多地方有，今次叫到呢個真係喚醒係英國嘅回憶🤤🤤外層超級脆口，豬肉調味剛好，中間嘅蛋剛剛好有點流心，蛋汁加上豬肉嘅配搭幾正😚😚旁邊仲有啲pickles，酸酸咪咪，加上scotch egg食增添層次😛Chicken & Bacon Terrine 將雞肉同煙肉製成法式凍批，食到一絲絲肉之餘仲有少許啫喱狀嘅感覺，撈埋檸檬同堅果製成嘅香草醬料，以及好香嘅杏脯果醬，放上好香麥味同核桃香嘅麵包一齊食，口感好豐富😙😙Australian Lamb Chops羊架非常軟嫩，生熟度剛剛好👍🏻👍🏻仲有厚厚一層脂肪位😈加埋青
Scotch Egg
超級經典嘅英式菜，係香港唔係咁多地方有，今次叫到呢個真係喚醒係英國嘅回憶🤤🤤外層超級脆口，豬肉調味剛好，中間嘅蛋剛剛好有點流心，蛋汁加上豬肉嘅配搭幾正😚😚旁邊仲有啲pickles，酸酸咪咪，加上scotch egg食增添層次😛
Chicken & Bacon Terrine
將雞肉同煙肉製成法式凍批，食到一絲絲肉之餘仲有少許啫喱狀嘅感覺，撈埋檸檬同堅果製成嘅香草醬料，以及好香嘅杏脯果醬，放上好香麥味同核桃香嘅麵包一齊食，口感好豐富😙😙
Australian Lamb Chops
羊架非常軟嫩，生熟度剛剛好👍🏻👍🏻仲有厚厚一層脂肪位😈加埋青醬一齊食，經典卻無得輸嘅味道😋喜歡旁邊嘅薯批，切成薄片嘅薯仔砌成塔狀，口感幾正😍
Stick Toffee Pudding (Vanilla Ice Cream)
英國菜最為經典嘅甜品之一，本以為會好邪惡好漏，但食落居然完全唔膩👏🏻👏🏻皆因布丁好似海綿蛋糕一樣，口感極為鬆軟濕潤💦充滿毫不甜膩嘅焦糖香氣，係令人幸福嘅味道🥰🥰加上雲呢拿雪糕同crumbles，冷熱交融，刺激味蕾。
Guest Taps
作為酒吧梗係有豐富選擇嘅酒類，每日都會有不同品種嘅guest taps🍻或者crafted beer、gin & tonic、cocktail、mocktail、紅白酒等，好啱嚟吹下水或者睇住波啤一啤🍺呢杯只有4.5%酒精嘅啤酒（唔記得exactly名稱），入口帶清清地嘅小麥香，好清爽😛
Guavanut Colada
呢款mocktail夾雜唔少新鮮士多啤梨粒🍓飲到好清新嘅番石榴味。
人均消費：$350
推介指數（10分為滿分）：8分
張貼
