一幻拉麵

營業中

休息中

今日同朋友仔嚟一幻拉麵試吓蝦湯拉麵，我哋兩個都係第一次食一幻，充滿期待。我哋大約中午一時到咗餐廳門口見到前面都有四五組人排緊隊，本身諗住可能要等幾個字先入到去，等咗唔夠5分鐘就有位，職員好快就安排咗座位比我哋。我哋啱啱好坐正招牌下面，食住拉麵好有感覺。朋友仔嗰碗係全蝦味湯拉麵—味噌味。而我嗰碗係全蝦味湯拉麵— 鹽味，對於我呢啲咁細食嘅人叫咗少麵同埋唔使加小食，我都覺得好夠食。總括嚟講拉麵係性價比之選。朋友同我都覺得個蝦味湯濃味好香，我哋用埋海港城coupon每人平均都係$72。相信好快我哋會再嚟光顧。