魚眾不同酸菜魚 (馬鞍山中心)

營業中

休息中

魚眾不同終於開左黎馬鞍山，之前係啟德食過lunch覺得唔錯，今日就去馬鞍山回味一翻。其實係lunch time，但想食得滿足啲，所以叫左個二至四人份量嘅青花椒酸菜魚，一大盤魚，然後可以加一人一碗飯/米線。酸菜魚好多！稍有碎骨，整體都係滑同好味嘅，成個盤入面仲有好多料，寬薯粉萵筍薯仔金菇豆腐皮，唔洗食個飯都會好飽。個酸菜湯十分唔錯，係面頭啲油好多，不過係要多油先可以keep住個溫度。預左有味精，但食完又反而唔覺好口乾。見到隔籬枱叫左口水雞，望落好正，所以叫左，點知勁伏。啲碎骨多到一個點，雖然個口水雞味做得唔差，但太多骨，扣左好多分，奉勸各位唔好俾佢外表呃咗。