影片
更多
2017-07-24
3358 瀏覽
星期一係打工仔最痛苦嘅一日，為咗慰勞下自己，梗係要食好嘢啦，於是就同事去食拉麵 ，我哋就係公司附近搵咗間好出名嘅拉麵舖， 入面嘅裝修都好有日本嘅風味，同我之前去日本當地食嘅拉麵舖好相似呢度嘅餸菜有得揀沾面同埋拉麵 ，不過我自己就鍾意一碗過食，所以就揀咗拉麵嚟試下啦，平時我好中意食櫻花蝦，貪佢有咬口，香香脆脆咁，呢到好特別有櫻花蝦豚肉拉麵選擇，而且亦都有得揀濃湯同埋清淡湯，最重口味既我咁我一於試下濃湯，無蛋不歡既我仲加碼要多隻溏心蛋添。叫左無糖綠茶，起初以為係店舖自己沖既綠茶，原來係支裝伊藤原綠茶，不過我都覺得ok，飲唔哂仲可以方便拎走飲等左大概5至10分鐘左右，就上菜了，感覺上賣相唔錯。櫻花蝦份量都唔少，食落去乾乾地unun地，蝦香味同濃湯十分夾。濃湯真係非常濃郁，十分濃稠，食到濃濃豬骨味，如果就咁飲湯既話感覺上會有點略咸，但如果配麵或配餸食就岩岩好。拉麵屬於中等偏幼身，咬落去乾爽脷落，唔會煮得太硬而難咬開。豚肉切成長條型，比較坊間既圓形狀更容易咬入口，肥瘦分明，半肥半瘦，建議如果肥的部份可以減少d會更佳。溏心蛋煮得恰到好處，蛋黃既生熟度煮得剛好，部份有少許半熟，而有部份仍然流心，建議
呢度嘅餸菜有得揀沾面同埋拉麵 ，不過我自己就鍾意一碗過食，所以就揀咗拉麵嚟試下啦，平時我好中意食櫻花蝦，貪佢有咬口，香香脆脆咁，呢到好特別有櫻花蝦豚肉拉麵選擇，而且亦都有得揀濃湯同埋清淡湯，最重口味既我咁我一於試下濃湯，無蛋不歡既我仲加碼要多隻溏心蛋添。
叫左無糖綠茶，起初以為係店舖自己沖既綠茶，原來係支裝伊藤原綠茶，不過我都覺得ok，飲唔哂仲可以方便拎走飲
等左大概5至10分鐘左右，就上菜了，感覺上賣相唔錯。
櫻花蝦份量都唔少，食落去乾乾地unun地，蝦香味同濃湯十分夾。濃湯真係非常濃郁，十分濃稠，食到濃濃豬骨味，如果就咁飲湯既話感覺上會有點略咸，但如果配麵或配餸食就岩岩好。拉麵屬於中等偏幼身，咬落去乾爽脷落，唔會煮得太硬而難咬開。豚肉切成長條型，比較坊間既圓形狀更容易咬入口，肥瘦分明，半肥半瘦，建議如果肥的部份可以減少d會更佳。
溏心蛋煮得恰到好處，蛋黃既生熟度煮得剛好，部份有少許半熟，而有部份仍然流心，建議如果蛋表面可以用鹵汁鹵耐d會效果會更佳。
張貼
