鯛魚湯專門店 (已結業)

響某飲食雜誌度見到個廣告好吸引，咁岩又係講緊我最鍾意食嘅海膽同埋蟹腳， 甘啱係我返工附近都有一間，我梗係第一時間約埋朋友嚟食吓啦！門口好易認，個招牌係電視嚟嘅，隨時都播緊招牌動畫。內在環境都算闊落。而家新開張仲好似有優惠特價。除咗鯛魚湯飯之外仲有好多其他小食。我哋叫咗一個海膽鯛魚湯飯，湯飯上枱嘅時候仲有火熱住，以免魚湯便腥，好細心！海膽份量都唔少而且好鮮！鯛魚湯底好香又甜，一d都唔油！仲有粟米，黑木耳等伴菜！飯係用上日本米來淆，充滿魚湯嘅鮮味！好好味！之前完全無試過！另外叫咗個皇帝蟹腳鯛魚湯烏冬，魚湯湯底嘅味道無飯咁濃，相對較淡味，烏冬用日本烏冬，無平時果d咁淋，有咬口。蟹腳多肉有鮮甜！我哋做額外加左配料要鮑魚，鮑魚完全吸收左魚湯嘅鮮味！好淋！帆立貝肉厚又甜！大大隻！總括來講，如果鍾意食濃味一啲嘅會建議叫飯會較好！味道會較突出而且鮮味！