影片
更多
2023-05-10
1162 瀏覽
風雲丸 Fuunmaru📍尖沙咀麼地道30號Mody House地舖呢日朋友陪我去尖沙咀牙科複診，完咗之後我哋喺附近搵咗一間拉麵店食。其實每次經過我都想食㗎啦，因為見親都要排隊，而且門面好多個燈籠，感覺都幾有日本風。啱啱好，趕喺lunch hour前幾個字入咗去坐，唔洗排隊，到走嘅時候餐廳已經坐滿咗拎住一袋二袋嘅內地客，真係好彩！呢度嘅嘢食選擇都好多，而且近乎每一樣都可以按個人喜好作口味上嘅安排，例如可以選揀面嘅軟硬度、湯底溫定冷、蔥嘅份量同埋要唔要筍之類。雖然對於選擇困難症嘅人嚟講應該係一大惡夢，但係我就鍾意呢一種可以自己按口味選擇嘅餐廳，因為佢甚至連份量都可以選擇，咁就唔會怕食得唔飽，又或者食唔晒好浪費啦！ 💰$93豚骨魚介拉麵 🍜我一向都鍾意食拉麵多過沾麵，所以每次都係我食拉麵，朋友就被我安排食沾麵。而我好鍾意食拉麵嘅原因，就係因為我好鍾意飲湯，覺得有湯浸住嘅麵特別好食！而喺拉麵當中，我最鍾意食嘅一定係豚骨拉麵，呢一度嘅拉麵更加得我歡心，因為我係魚介粉嘅超級fans！雖然佢唔係我喺香港食過最好食嘅豚骨拉麵，魚介粉亦唔係俾得特別多，但係勝在兩者味道非常融和，麵條亦可以索盡湯底嘅精華
📍尖沙咀麼地道30號Mody House地舖
呢日朋友陪我去尖沙咀牙科複診，完咗之後我哋喺附近搵咗一間拉麵店食。其實每次經過我都想食㗎啦，因為見親都要排隊，而且門面好多個燈籠，感覺都幾有日本風。啱啱好，趕喺lunch hour前幾個字入咗去坐，唔洗排隊，到走嘅時候餐廳已經坐滿咗拎住一袋二袋嘅內地客，真係好彩！
呢度嘅嘢食選擇都好多，而且近乎每一樣都可以按個人喜好作口味上嘅安排，例如可以選揀面嘅軟硬度、湯底溫定冷、蔥嘅份量同埋要唔要筍之類。雖然對於選擇困難症嘅人嚟講應該係一大惡夢，但係我就鍾意呢一種可以自己按口味選擇嘅餐廳，因為佢甚至連份量都可以選擇，咁就唔會怕食得唔飽，又或者食唔晒好浪費啦！
[價錢 Price]
💰$93
豚骨魚介拉麵 🍜
我一向都鍾意食拉麵多過沾麵，所以每次都係我食拉麵，朋友就被我安排食沾麵。而我好鍾意食拉麵嘅原因，就係因為我好鍾意飲湯，覺得有湯浸住嘅麵特別好食！而喺拉麵當中，我最鍾意食嘅一定係豚骨拉麵，呢一度嘅拉麵更加得我歡心，因為我係魚介粉嘅超級fans！雖然佢唔係我喺香港食過最好食嘅豚骨拉麵，魚介粉亦唔係俾得特別多，但係勝在兩者味道非常融和，麵條亦可以索盡湯底嘅精華！
佢嘅豚肉叉燒雖然只有一塊，但都幾厚身，脂肪同瘦肉嘅比例適中，肥瘦恰到好處，而且肥肉嘅部份入口即溶，瘦肉唔會乾柴，同一般圓形狀嘅叉燒口感好唔同！整體嚟講佢唔算係我食過喺香港最好食嘅拉麵，但都不失為一個好嘅選擇！
[價錢 Price]
💰$103
石燒濃厚雞叉燒魚介味玉沾麵 🍜
佢哋嘅沾麵係用日本小麥粉，每日新鮮製作而成，所以咬落滿滿麥香味，掛湯力十足！而湯底係以大量日本豬骨熬製長達10小時，加入瀨戶內海出產嘅海鰯魚製成嘅魚介粉，豬骨同魚嘅精華都融入晒喺湯底裏面。加上呢款沾面係用咗特製嘅石鍋裝住個汁，最高可達攝氏300度，令到個汁食到落尾都係熱辣辣！
佢個汁色水好深，味亦好濃郁，配住彈牙偏重麥味嘅麵條嚟食就最啱啦！成個沾麵令我最驚喜嘅位就係佢嘅雞叉燒，用嘅部位非常嫩滑，包住雞叉燒嘅雞皮亦唔重油膩感，少少嘅焦香令到佢更加香口，比起一般用豬肉做嘅叉燒更好味！
如果唔叫味玉，唔使$100有找，但係我哋都好認同隻蛋真係食得過，蛋黃呈深橙色，係溫泉蛋嚟㗎，半流心嘅蛋黃真係特別好味！
[價錢 Price]
💰$20
香鬆飯 🍚
一碗100g嘅白飯加上紫菜同飯素，喺食晒拉麵之後可以加入湯底裏面整成雜炊，食盡湯底精華。飯素味道普通，白飯量亦唔多，性價比唔算高，試過一次後下次未必會再叫。
張貼
