浜滝 (已結業)

又到馬拉松賽，雖然跑的從來唔會係我，不過去維園拜會一下個finishing line 又唔錯架，呃下like 嘛🤗 拜會完，行過天后，被呢間日式又帶有點酒吧風格的裝潢的餐廳吸引住！ 一入到黎，就有親切靚女們招呼，重點係成張圓枱又有梳化椅，小情人可以坐我隔離，仲盡量唔撘枱，如此用心，對坐位好重視的我，先來一個讚。望住餐牌，價錢好合理，樣樣都想食。三文魚刺身$68聽到待應同旁邊果枱話三文魚今日新鮮到，咁就點點。四片厚切，份量十足，好味道。wasabi 無花無假，山葵也，有誠意👍🏻真鱈白子$98 小情人未食過，難得見到，特登點過距食，我地選擇燒一燒，望住距津津樂道的樣，加上一句好fresh 好新鮮juicy 就知道係滿足的。近江牛仔沙律$88沙律菜新鮮清脆，值得一提是蛋汁非常甜，是靚蛋，非常難得。大阪燒餅$88大阪燒係我的最愛，呢到的令我回憶在大阪的日子，滿意木魚碎和紫菜，加上美味醬汁，燒餅軟熱，好正☺️燒雞石窩飯$78外型細緻，內裏有結實而熱騰騰的飯，非常暖泣泣。日本鰻魚串$38each鰻魚香嫩，歡喜之作。厚切豚肉 $28 each望見旁邊點左幾串，我地都忍唔住。非常惹味，咸香十足，過足口癮