好日咖啡店 (已搬遷) 新店位置

今日情人節，男友竟然仲未諗食咩！😆😆兩個人放左工係銅鑼灣一帶搵食，呢條街都有幾間cafe出左情人節套餐，最後見到呢間餐牌ok, 而且擺設都幾靚，好似幾浪漫，好襯今日既主題！所以入左去啦，好在冇book位都有位！前菜：意大利巴馬火腿 甜脆蜜瓜 意式黑醋沙律巴馬火腿捲住甜甜既蜜瓜，一咸一甜，至佳配搭！用黑醋做沙律不但只健康而且令菜更鮮甜，不過應該係其中加左最苦既火箭菜！😣湯：新鮮南瓜蓉松子仁忌廉濃湯本身對南瓜湯冇咩興趣，不過佢呢個南瓜蓉湯都唔錯!每人可以揀一個主菜，佢一共有2款，所以我地各選一個share食主菜：香草蒜烤澳洲安格斯西冷（7安士）拌薯菜牛扒冇問到我地幾成熟，原來預設左5成熟左右啦！😁😁岩岩好岩曬我！見到隔離枱係大肚婆，佢地都有主動將牛扒變全熟！貼心服務，不錯！主菜：炙燒慢煮帶子 香煎虎蝦 配龍蝦汁蜆肉意粉唔中意個龍蝦汁呀！不過呢個純粹個人喜好，唔可以話佢難食！因為個帶子同虎蝦都唔錯！而且意粉既軟硬都係剛好！甜品：經典芝士蛋糕配雪糕我開頭以為一人一set, 原來2個人得一set! 噢！甜品係女士最愛！得一份太可惜了！雪糕係正常既雲呢拿曲奇味！芝士蛋糕都做得好好！飲品：柚子特飲