E Molto Buono (已結業)

環境5分：暗燈浪漫，室內外散座唔會密麻麻，用上木地板又夠乾爽，室內溫度剛好，廁所又乾淨，無可挑剔，所以滿分。衛生5分：餐桌上有整齊嘅餐具，餐巾同枱布，食物又靚又新鮮，餐牌都雪白過人，衛生一樣滿分。服務5分：服務生溫柔友善，上菜時主動介紹食物，中間又會自動加水，都係滿分。味道4分：1)三款麵包各有各脆法，唔點啲醬都已經夠哂味。2)牛肉他他撈埋隻水煮鵪鶉蛋搽上塊多士黎食，又香又滑又脆，繼續滿分！3)個海龍王湯就淡味咗少少同稀咗啲，所以扣咗半分。4)個煙三文魚卷個煙味好light，魚肉幼滑，蝦慕絲配忌廉汁又唔溜，味道好鮮，一定要食！5)個番石榴雪葩好清甜。6)主菜個龍蝦爽口又鮮甜，不過個意大利飯就熟得滯，所以要扣半分。7)玫瑰花茶香而不俗。8)甜品焦糖燉蛋好light好軟滑，茶味仲好香。9)蝴蝶酥餅不油膩，朱古力都好好食。抵食4分：龍蝦晚餐用料新鮮，擺盤又靚，環境服務都非常好，$738都幾抵。