影片
更多
2019-01-13
355 瀏覽
去銅鑼灣搵食，次次都係食啲大型連鎖食店，或者在商場裏面搵食，都食到悶囉，今次一於一反傳統，決定搵啲小店品嚐一番上OpenRice睇下，見到呢度有成幾百個笑，相信應該有一定嘅質素，穿過利園區，過一條馬路，就到呢間好高雅嘅小店呢間餐廳好有情調，柔和嘅燈光，配合每張枱上邊嘅蠟燭，播住情歌，話咁易就將愛加分香煎法國鵝肝配焦糖酒醋藍莓（升級+$58）鵝肝要做到入口即溶，本身質素一定要好好，呢度嘅鵝肝，正正就做到呢個效果。油脂甘香可口，外層煎到香脆，想一食再食煙三文魚黑魚子蛋白沙律（升級+$58）以蛋白替代沙律醬，打得好滑溜，健康感倍增。黑魚子鮮味十足，濃味嘅黑魚子，配上清新嘅沙律菜，味道一絕龍蝦湯（升級+$48）湯裏面有一件大蝦肉，爽口彈牙。龍蝦湯香氣十足，味道濃郁，刺激到你嘅嗅覺同味覺蟹肉南瓜忌廉湯（升級+$48 ）相比龍蝦湯嘅濃郁，南瓜湯比較鮮甜，配上大大啖蟹肉，蟹肉嘅鮮味迅速提升，係一個鮮甜與鮮味兼備嘅餐湯德國式燒鹹豬手（ $258 ）鹹豬手份量驚人，上枱嘅時候都大嚇一跳，而配菜嘅薯條都唔少。食鹹豬手，最緊要塊皮燒到卜卜脆，而呢隻豬手，每咬一啖，就卜卜卜聲咁叫一聲，脆得驚喜香煎帶子配黑松露
上OpenRice睇下，見到呢度有成幾百個笑，相信應該有一定嘅質素，穿過利園區，過一條馬路，就到呢間好高雅嘅小店
呢間餐廳好有情調，柔和嘅燈光，配合每張枱上邊嘅蠟燭，播住情歌，話咁易就將愛加分
香煎法國鵝肝配焦糖酒醋藍莓（升級+$58）
鵝肝要做到入口即溶，本身質素一定要好好，呢度嘅鵝肝，正正就做到呢個效果。油脂甘香可口，外層煎到香脆，想一食再食
煙三文魚黑魚子蛋白沙律（升級+$58）
以蛋白替代沙律醬，打得好滑溜，健康感倍增。黑魚子鮮味十足，濃味嘅黑魚子，配上清新嘅沙律菜，味道一絕
龍蝦湯（升級+$48）
湯裏面有一件大蝦肉，爽口彈牙。龍蝦湯香氣十足，味道濃郁，刺激到你嘅嗅覺同味覺
蟹肉南瓜忌廉湯（升級+$48 ）
相比龍蝦湯嘅濃郁，南瓜湯比較鮮甜，配上大大啖蟹肉，蟹肉嘅鮮味迅速提升，係一個鮮甜與鮮味兼備嘅餐湯
德國式燒鹹豬手（ $258 ）
鹹豬手份量驚人，上枱嘅時候都大嚇一跳，而配菜嘅薯條都唔少。
食鹹豬手，最緊要塊皮燒到卜卜脆，而呢隻豬手，每咬一啖，就卜卜卜聲咁叫一聲，脆得驚喜
香煎帶子配黑松露忌廉野菌扁意粉（ $198 ）
野菌配合黑松露，將整個扁意粉嘅香味倍增。黑松露忌廉均勻地沾滿每條扁意粉，每一啖都有松露嘅香味。帶子鮮甜，多汁，蘆筍爽脆
熱朱古力，凍雲呢拿奶
熱朱古力上邊都有拉花，連買真花嘅錢都慳返朱古力味香濃，但唔會過甜。雲呢拿牛奶入口非常滑溜，淡淡嘅雲呢拿香味，加上質感好似北海道3.7牛乳嘅牛奶，為完美嘅晚餐畫上句號
呢間餐廳嘅服務好細心，標準西餐廳嘅服務，上菜有次序，亦都會等你每道菜式完之後，先再想另一道菜，加水收碟亦好勤快，侍應亦都好友善，笑臉迎人
今日好好彩坐窗口位，落地玻璃有塊薄紗窗簾，好好保障食客嘅私隱，抵讚
張貼
