老夫子餐館 (已結業)

老夫子係一直想去嘅主題餐廳之一，但聽聞勁多人排隊⋯⋯就算了！今天澳門朋友慕名而來，我也盡地主之誼。門口擺放著老夫子，大蕃薯等漫畫人物任影，餐廳內外都配合主題，連菜式名都引用漫畫入面而命名，睇番啲名，即勾起兒時回憶。精選西冷牛扒配意粉的牛肉有肉筋，口感韌度強肉質硬，有點過熟質較粗糙。意粉略帶彈性但淡而無味。瑞士汁燒乳鴿肉厚且入味，其皮薄香脆但偏乾。唯有淋上甜甜的瑞士汁輓回了偏乾的味道焗海鮮意粉白汁味夠香濃,青口，蝦及帶子焗出香濃味道的意大利粉.不過汁過多好漏。火焰雪山呢個視覺觀感真係一流，食落發現有勁大陣酒味，非常苦，啲cream有好大陣火燒既味道。食完影完，只可以講貴在裝修，食物沒有水準，價格較高。