心語甜品 (已結業)

週末與朋友在筲箕灣早早食完惹味既晚飯，行到東大街，想食甜品。大概夜晚8點幾，東大街依舊熱鬧，行到兩間甜品店，見到新開既心語甜品，排隊既人又多，想比次機會佢。等左超過半個鐘，終於入到去。見到招牌必食既黃金流沙湯圓。我叫左招牌芒果流沙湯圓，上檯感覺係芒果西米露，顏色係實色黃，一入口，好奇怪，係冇香味，得好假、好淡既味，都稱唔上係芒果味，唔係食到超級細粒既果肉，根本唔知係芒果糖水。到流沙湯圓，一咬落去，完全唔流心，好失敗，皮又厚。仲要個湯係凍，湯圓熱，好奇怪，唔配合。👎👎👎朋友食紫薯流沙湯圓，紫薯湯一樣得鮮紫色，係冇味既。👎👎👎令一個朋友食最穩陣既芒果豆腐花，一上檯好清楚見到係超級市場即買即食既盒裝豆腐花！😱連豆腐花水都唔隔，水汪汪😱。上面得小小芒果醬，依然冇芒果味。👎👎👎冇誠意，冇水準