炑八韓烤 (瓊華中心) (已結業)

韓燒去炑八，入門見到呢個 promote 緊既套餐，都唔錯喎。浪鰻蠔食燒烤套餐 $588材料好壯觀架，有仁川鰻魚、芝士生蠔、蒜茸牛油生蠔、牛五花、牛胸腹、護心肉及春川雞腿。見到生料都覺得亮晶晶閃令令了。仲有專人幫手燒，服務一流原來「浪鰻」係指鰻魚，燒兩燒之後D油脂出曬來，表皮脆脆地，好肥美，好邪惡，好好味！堅好食，五星大讚！至於「蠔食」，就係兩款燒蠔，蒜蓉牛油味仲有好多粟米，蠔又新鮮好食。至於牛肉有多款，牛五花啦，護心肉同埋牛胸腹。雖然唔太清楚邊隻打邊隻，但各款都幾高質架！至於沙律菜、包肉生菜同泡菜當然亦是任食啦。王者牛肋骨 加配$98其實二人套餐都好夠食，不過店員話叫套餐加配王者牛肋骨只係 $98 （原價二百幾）。我地兩個都冇試過原條牛肋骨上，當然試吓啦，又唔係貴！上枱之時真係俾佢嚇一嚇，枝牛肋仲長過塊鐵板，點燒呢？好彩，有店員代勞。見佢都好熟手，話咁快就將條王者分拆成一塊塊，厲害厲害！牛肉唔韌，有牛味，真係一件接一件，唔好俾佢停。白桃醋百香果梳打$38紅芭樂百香果梳打 $38我飲左白桃醋百香果梳打，好香果醋味，味濃要等D冰溶吓先啱啱好。飲飲吓仲有D百香果粒粒，又有D jelly 。