MOO MOO Plus (百德新街) (已結業)

今日同朋友出銅鑼灣搵嘢食，次次夜晚行過呢間餐廳出面都座滿人，今日我地未夠一點經過，唔洗等位，咁就入去試一試啦。要左個combo for 2, 所有嘢份量都幾大，食到勁飽！是日餐湯蘑菇湯，蘑菇味好香濃！如果唔想飲蘑菇湯仲可以加錢升級做龍蝦湯。牛油果柚子沙律大大份，沙律菜同牛油果都好新鮮，食完好開胃。MM+ 黃金蟹餅炸得好香脆好乾身，切開左蟹味即刻衝出嚟，入面，滿滿嘅蟹肉, 再加埋wasabi蛋黃醬，食到唔停口。卡邦尼扁意大利麵賣相已經好靚，舖滿芝士碎，食落仲好香濃，再加埋Parma ham, 味道更豐富。西班牙黑毛豬肩肉配無花果醬黑毛豬肉香嫩滑，配埋無花果醬有意想不到嘅清新，值得一試。