營豐海南雞專門店 (已結業)

昨晚收工的時候，同事們話今晚政府又出招，令到成個社會的民怨又升溫，要快手快腳返屋企⋯⋯結果我都在想如何搭車離開時，醒起不如去加下料，雖然政府令人失望，但都要去食好嘢！成日行過呢間店，都有好多人會買嘢，我訴是又排隊買少少嚟試下先！因為家中人唔多，如果要半隻雞又好誇張，但又想試下鴨，職員見我個樣好困惑，就話佢地有雙拼，仲今晚最後一份加積鴨，嘩！立時決定加積鴨拼海南雞⋯⋯又見到有豬頸肉，於是又買半磅試下！返到家加料，家人食過都過雞好滑，需加積鴨更是意料之外的好食，鴨肉又唔「鞋」身，相當唔錯！仲叫我下次每樣可以買半隻⋯⋯嘩！好難得佢地都咁一致話好食！豬頸肉仲好細心有醬配，燒到剛剛好，好好味！間店只有外賣，要加料的好地方！