森樂小廚 (已結業)

平時好少來觀塘食午餐，今日來到振萬廣場附近做野，襯未到一點快快手搵定間餐廳入去坐定定先，免得晏左就會好多人同要等位今次係森樂小廚叫左個午餐套餐-無骨海南雞飯配熱咖啡（$60）。跟餐會有一個湯，無寫係咩湯，但飲落似係冬瓜湯（入邊加左蟲草花同杞子），味道無咩特别。呢度落單係用QR code，自己落單的，大約5-8分鐘左右個餐就到左，都算快手海南雞無骨食起來好方便，雞肉好嫩滑，唯一不足係份量真係比較少（如果要轉雞脾或雞胸肉就要另外加錢）。海南雞呢道菜個醬汁好重要，呢度有三個醬可以點，分別係薑油、辣醬同埋醬油，但我三個都覺得唔好味，完全唔係正式海南雞醬汁既味道呢個都幾扣分！而個油飯就意外地好食，雖然都係唔正宗，因為佢顏色係啡色而唔係平時常見的淡黃色跟餐既熱咖啡都係好普通，但就都幾大杯，只是不是太好飲，所以我都飲左一半就無飲了結論係想要快手，唔駛等位既話呢間都可以選擇，但如果食量比較大同埋對食物有要求的就不建議了，始終佢都唔算話好抵食。