大哥雞飯去骨海南雞 (銀幕街)

營業中

休息中

因為工作需要，lunch 未必可以出街食到，今日見某平台有優惠劵就用黎叫個外賣。大哥雞飯係近期好多人推既食店，味道應該有保障。外賣有套餐送餐湯同埋菜心，菜心無特別，個湯好重本，見到大量既湯料，飲落都鮮甜，幾好👍主角海南雞可免費選雞胸，叫左油飯。跟飯送3隻醬，薑蔥醬，酸辣醬，甜豉油醬。因為係雞胸所以肉量好多，但都煮到剛剛好，完全唔鞋唔韌，個人最中意配搭上酸辣醬吃，酸酸辣辣加上雞既香味，好正！另外一提係雞油飯，份量超多但好有油香味，邪惡但超滿足！整體黎講好有誠意，會再黎幫趁！