牛車水海南雞專門店 (好景商業中心) (已結業)

早排朋友外賣咗半隻海南雞上黎，覺得唔錯，今日過去買lunch頂一頂海南雞引。叫咗一份海南雞跟油飯。雞肉好嫩滑，油飯有南薑香氣，軟硬適中。值得一提嘅係一定要食埋雞皮，真心香！制作都幾認真，跟三色醬汁，有包括濃濃帶甜味嘅黑醬油、薑蓉，同埋惹味嘅紅色酸辣醬汁。個餐跟一杯冬瓜雞湯，有粒粒嘅冬瓜食吓，湯色清澈，味道以清甜為主，食完油飯都唔會覺得膩。平均三四十蚊一個飯又有湯好抵食吓，下次要再試埋個巴東牛肉同埋滷肉飯先！