影片
更多
2016-08-27
162 瀏覽
最近食多咗住家飯所以少咗好多外出吃飯，通常冇人煮飯嘅話我都係出去食飯！原來係深水埗西九龍中心對面對正就有一間食中式菜嘅餐室，叫做尚品餐室。裏面啲格局都好似普通茶記，不過都有啲似我之前同屋企人去食嘅私房菜。好似酒樓咁一樣有比人洗餐具嘅服務，我太早來食飯所以真係冇咩人，始終香港人都係夜鬼，六點左右邊有人黎食晚餐架？一睇呢個餐牌就想叫海南雞，同時都配有老火湯，蠔油時疏同埋雞油嘅飯。另外加多杯凍檸茶就要加＄8，原來呢間餐廳夜晚係冇熱飲嘅，不過正常人係呢個夏天嘅晚上都會想飲凍飲啦！成枱嘢食＄76抵唔抵就見仁見智，至少一個大男人食完都覺得非常飽⋯不過海南雞就唔係非常似海南雞，味道比較似白切雞，不過口感一樣滑嫩，少咗海南雞嘅風味，可以點上蔥油汁更添風味，另外都有一個燒味豉油真係睇吓個人口味啦！另外果一碟油菜就係菜心，整得比較爽，時間剛剛好，加埋蠔油就豐富返小小。個老火靚湯到真心唔錯，裏面有有紅蘿蔔同埋青蘿蔔，豬骨同埋豬肉都佔好大比例，好足料，雖然唔知道有冇味精，但係飲落去好清甜好香！雞油飯都係不得了，雖然有少少乾身，不過雞油嘅香味真係好夾食海南雞，好好味，不過好快就會食飽，我咁大食都竟然有d食唔晒添
最近食多咗住家飯所以少咗好多外出吃飯，通常冇人煮飯嘅話我都係出去食飯！原來係深水埗西九龍中心對面對正就有一間食中式菜嘅餐室，叫做尚品餐室。裏面啲格局都好似普通茶記，不過都有啲似我之前同屋企人去食嘅私房菜。
好似酒樓咁一樣有比人洗餐具嘅服務，我太早來食飯所以真係冇咩人，始終香港人都係夜鬼，六點左右邊有人黎食晚餐架？
一睇呢個餐牌就想叫海南雞，同時都配有老火湯，蠔油時疏同埋雞油嘅飯。
另外加多杯凍檸茶就要加＄8，原來呢間餐廳夜晚係冇熱飲嘅，不過正常人係呢個夏天嘅晚上都會想飲凍飲啦！成枱嘢食＄76抵唔抵就見仁見智，至少一個大男人食完都覺得非常飽⋯
不過海南雞就唔係非常似海南雞，味道比較似白切雞，不過口感一樣滑嫩，少咗海南雞嘅風味，可以點上蔥油汁更添風味，另外都有一個燒味豉油真係睇吓個人口味啦！
另外果一碟油菜就係菜心，整得比較爽，時間剛剛好，加埋蠔油就豐富返小小。
個老火靚湯到真心唔錯，裏面有有紅蘿蔔同埋青蘿蔔，豬骨同埋豬肉都佔好大比例，好足料，雖然唔知道有冇味精，但係飲落去好清甜好香！
雞油飯都係不得了，雖然有少少乾身，不過雞油嘅香味真係好夾食海南雞，好好味，不過好快就會食飽，我咁大食都竟然有d食唔晒添—
凍檸茶比足5塊檸檬，都幾大手筆，味道都唔錯嘅。
張貼
