亞泰廚房 (已結業)

亞泰廚房就在泰菜林立嘅九龍城區，午飯時間經過，原來價錢相當抵食，大部分都係$48一個餐（包飲品）。太肚餓所以大家都叫飯食！泰式海南雞飯（$48）海南雞都幾滑幾香，搭配油飯係完美的。泰式海南雞飯一般都只有一款沾醬，帶些微酸辣嘅味道，點雞一流！午餐贈送例湯！香茅雞比配油飯（$48）呢個都係一個驚喜，雞比燒得好香，外皮夠脆，肉味都夠，我更喜歡個泰式醬，似平時食燒豬頸肉點果種，好惹味；配油飯亦好夾！海南雞飯同香茅雞比飯都各有千秋呢！飲品轉椰青（加$25），超清甜，又解渴！唔飲呢個都有好多其他飲品選擇...阿泰廚房-九龍城區泰菜食list之一。