OMG Chicken (已結業)

行完將軍澳海旁，當然係食好野啦，今次就選左Monterey Place  既 omgchicken。呢度環境幾有活力，望住架墻身飛機✈️，感覺到應有的生活回復啦！是日沙律，色彩繽紛新鮮,配沙律醋,開胃之選。千島烤雞 9吋有9吋/13吋選擇,夜晚還是食少澱粉好。批底不算厚，餡料有青紅椒、菠蘿、洋蔥同烤雞,烤雞幾香配上千島醬底，食落幾開胃滋味。香草白酒煮藍青口有點驚喜，竟然韓國餐廳有青口食,  每隻都有肉 ，香草入味。香橙熱情果四季春茶和士多啤梨乳黎梳打味道不太甜，剛好，清新好喝。整體而言，價錢吸引，食物選擇和味道不錯。