CHIMAC (天星碼頭)

營業中

休息中

有日買完新手機後坐坐下海傍有點餓，咁岩見到呢間，又咁岩想食韓國野，就一於試下叫個外賣先(咁多咁岩XD)💋韓國原味無骨雞腿肉配炸薯條，每次去親韓國都基本上會食炸雞，但有骨真係有點影響體驗，而呢度就有一個唔錯的做法，就係無骨，而且仲要係雞腿肉，就算我拎到回家，都唔會話肉質變嚡，咬落仲有彈牙的口感，而佢炸薯條每條都幾粗下，而且就算擺左一段時間，都唔會話淋到好似M記個D咁會低晒頭，味道夠鹹，最後食埋佢送的醃蘿蔔，解膩作用一流！💋炭燒漢堡蛋蓋飯，得D雞點夠我地食喎，所以我地都要食一食飯，滿足一下對澱粉的渴望，而佢漢堡肉咬落係勁JUICY，肉汁滿滿，仲有淡淡的炭香味，真係一大驚喜呢！佢個蛋就算放耐左，都仲係好滑，而最估唔到的係佢蛋的下層居然收埋左勁多的白飯，份量多到我地都爭D食唔晒 >.<，但係漢堡肉的加持下，都能夠完成任務，唔會造成浪費，嘻。