麵屋一燈 (已結業)

今日行過LCX ，到開餐時間本來想食日式火鍋或者來個燒肉，但又唔係好有胃口，所以揀左食拉麵。店員安排了我們坐普通的座位，但我見有一排對住維港的BAR枱，我就問可唔可以坐過去。心諗一碗麵要百幾蚊，在維港夜景陪住，應該抵返係度。由於我愛吃沾麵多於吃拉麵，所以我點了份沾麵。對於有選擇困難症的朋友，唔洗擔心，呢度無乜嘢揀，沾麵只係揀加蛋和加大加蛋。當麵來到，店員細心地介紹了食法，就安安靜靜地讓我們在五光十色的光影中享受我們的晚餐。麵屬於粗身，偏硬，帶點麥香，是我喜歡的麵款。但湯看來有一點浠，我怕沾不上麵。但結果麵的掛湯力十分強，讓這樣的湯也可以掛滿在麵上，食落相當夠味。湯中有兩粒肉丸，沒有什麼驚喜，但也是好吃的。可惜的是兩片肉是冷得很，不沾湯的話，有違和感。但幸好的是這裡可以不斷為你的湯加熱，發現湯冷了，就可以叫店員幫忙拎去加熱。溏心蛋是我認為很重要的角色，所以留在最後吃。可是就咁食會有點咸。但也算是有蛋香，味附也做足。配上美好的夜景都是一個美好的晚上。香港真是一個美麗的地方，其實唔需要什麼幻彩詠香江，維港本身就一份不可奪去的都巿魅力。這份魅力，為這碗麵加分了不少。