海港薈

營業中

休息中

帶外國朋友飲茶，通常一係揀地區特色小店，一係就揀一啲有返少少特別嘅酒樓，依間海港薈，最正就係有一個超級靚嘅海景。佢啲點心都唔差，黑毛豬叉燒包非常扎實，醬唔會太甜，包又鬆軟。馬拉糕都一樣香甜鬆軟，但個甜意又唔會太死。蝦餃入面嘅蝦仁大大粒，爽口鮮甜，皮唔會厚，仲有啲煙韌。我哋仲嗌咗啲小吃，椒鹽炸豆腐外脆內嫩，滑溜嘅豆腐熱辣辣，點醋就最好吃。炸兩大大份，非常飽肚。朋友點左個灌湯餃，湯鮮熱，餡料豐富。海景一流，坐得寬敞，點心又有水準，係市區飲茶都可以考慮下。