Bay's Kitchen & Bar (已結業)

一家大細第一次過嚟食自助餐，提早2日訂枱，唔訂枱應該會爆滿無得食。食物都算不錯，包括生蠔，刺身都幾好，熱盤選擇唔算多，不過都OK。慢煮牛肉味道唔差，有四種唔同嘅食鹽可以配搭，交替試下幾清爽。芝士有3種選擇，個人對芝士興趣唔大，又冇咩研究，賣相唔錯，影相無敵，味道就不予置評啦。我地最欣賞個甜品區，大人細路加埋食咗接近20球雪糕，唔同味配格仔餅都幾有feel。另外，海景好正，整體環境好舒服。特别一提，6個人以上訂枱可以送乳豬，但係我睇個賣相就真係麻麻地，唔推薦。