影片
更多
2024-11-29
6591 瀏覽
《活在茶下 - 尖沙咀》手搖茶飲唔係淨係得珍珠奶茶呢啲選擇架，想健康啲既話，飲茶都係不錯既取代品呢😉有陣時喺海港城行街行到攰，我都會去Tea moment 飲杯茶食件雞蛋仔😌佢呢度嘅雞蛋仔除咗有傳統口味之外，仲有加入茶作為製作嘅原材料，就咁食又或者加埋雪糕都好好味㗎😍呢度仲有我最愛嘅Crepe添，行完街食個下午茶剛剛好😚💁🏻♀️髒髒鐵觀音雪糕雞蛋仔 $68當甜品食的話，呢一個鐵觀音雪糕雞蛋仔就最適合不過，雞蛋仔烘得好脆，滲透住陣陣嘅鐵觀音香氣，茶味都幾出，上面落咗啲茶粉，同軟雪糕嘅味道好合拍，個軟雪糕都自帶茶味幾香甜，但係同時又食到奶嘅香氣👍🏻必食💁🏻♀️火腿滑蛋芝士可麗餅 $68同樣都係我私心推介，最簡單嘅火腿滑蛋芝士鹹香味十足，配上軟糯嘅可麗餅皮就已經好好食啦，有陣時我淨係食一件當午餐就已經夠晒飽，佢嘅滑蛋份量都唔少㗎😌另外仲有三文魚嘅配搭可以選擇，同樣都係我好喜歡嘅可麗餅💁🏻♀️棉花糖朱古力 $48棉花糖朱古力已經好耐冇飲啦，佢呢度嘅朱古力唔會太甜，但係配埋棉花糖個甜度就剛剛好，朱古力嘅味道隱約有少少茶味，唔知係咪我心理作用呢？🧐💁🏻♀️香茅茉莉 $58如果喜歡飲無糖茶就要試吓佢
手搖茶飲唔係淨係得珍珠奶茶呢啲選擇架，想健康啲既話，飲茶都係不錯既取代品呢😉有陣時喺海港城行街行到攰，我都會去Tea moment 飲杯茶食件雞蛋仔😌佢呢度嘅雞蛋仔除咗有傳統口味之外，仲有加入茶作為製作嘅原材料，就咁食又或者加埋雪糕都好好味㗎😍呢度仲有我最愛嘅Crepe添，行完街食個下午茶剛剛好😚
💁🏻♀️髒髒鐵觀音雪糕雞蛋仔 $68
當甜品食的話，呢一個鐵觀音雪糕雞蛋仔就最適合不過，雞蛋仔烘得好脆，滲透住陣陣嘅鐵觀音香氣，茶味都幾出，上面落咗啲茶粉，同軟雪糕嘅味道好合拍，個軟雪糕都自帶茶味幾香甜，但係同時又食到奶嘅香氣👍🏻必食
💁🏻♀️火腿滑蛋芝士可麗餅 $68
同樣都係我私心推介，最簡單嘅火腿滑蛋芝士鹹香味十足，配上軟糯嘅可麗餅皮就已經好好食啦，有陣時我淨係食一件當午餐就已經夠晒飽，佢嘅滑蛋份量都唔少㗎😌另外仲有三文魚嘅配搭可以選擇，同樣都係我好喜歡嘅可麗餅
💁🏻♀️棉花糖朱古力 $48
棉花糖朱古力已經好耐冇飲啦，佢呢度嘅朱古力唔會太甜，但係配埋棉花糖個甜度就剛剛好，朱古力嘅味道隱約有少少茶味，唔知係咪我心理作用呢？🧐
💁🏻♀️香茅茉莉 $58
如果喜歡飲無糖茶就要試吓佢呢度嘅茶飲啦，今次係第一次試佢個香茅茉莉花茶，無糖茶可以解膩又有香茅既香氣，飲完有清潤嘅作用
💁🏻♀️杭州桂花麻糬雞蛋仔 $48
除咗雪糕雞蛋仔之外，有陣時我都會外賣呢一款麻糬雞蛋仔一路行一路食😛入面嘅麻糬煙煙韌韌，入面有淡淡的桂花味又唔會搶過咗雞蛋仔嘅蛋香，係比較少喺出邊食到嘅口味
張貼
