富士山55 (拉麵沾麵專門店) (已結業)

星期六夜晚九點幾收工，同同事諗有咩地方好食晚飯，因為銅鑼灣通街餐廳都要排隊，最後嚟咗呢間沾麵店，雖然都係要排隊，不過相對冇大街咁多人。因為呢間餐廳嘅位置比較偏僻， 嚟得呢度排隊都係識食，同埋做過資料搜集嘅，呢間餐廳附近都冇店鋪可以逛，所以應該好少walk in客。門口排隊已經見到大海報寫住推介雙色海膽沾麵，不過價錢都唔平賣緊298蚊。 最後同同事決定，兩個人share一個沾麵，再加廿蚊食芝士飯，因為大家都係芝士控叉燒薄過紙不過好食，海膽數量如果可以再多啲就好喇，相反芝士飯嘅份量十足，我哋兩個都爭啲食唔曬，不過食過一次，下次可以唔使再叫，因為食完真係好漏。總括都可以再encore