塔門仔海膽燒 (已搬遷) 新店位置

前排個 FB 俾海膽洗版，睇到老公水晶眼，所以當我睇到呢間海膽主題的餐廳，便同他一齊去。一入店內，地方雖小，但一坐低就見到門口部啤酒機，原來呢間店係有手工啤酒出售的。然而這是海膽主題餐廳，但其實是很本土的，看看牆身的佈置就知道了~因為最近唔係好飲到酒，所以他一邊飲可樂的同時，我一邊在飲蜂蜜菊花露。 塔門仔招牌海膽炒飯呢碟海膽炒飯唔淨止係得中間一 pat 海膽，每粒飯都沾咗金黃的海膽，所以食落係寧舍甘香，而中間嗰一督食落是鮮滑的。鹽燒鯖魚在品嘗海膽炒飯的同時，我們以燒鯖魚送飯。一夾開條魚冒出一些煙，食落肉質很細滑軟熟，而個皮亦燒得很香脆。脆炸雞軟骨又熱又脆的雞軟骨，食到卜卜聲，不經不覺就食清光了~食完呢一餐之後，老公話覺得好滿足，原來海膽係有咁多玩法，而且價錢唔係貴，覺得幾划算。