新惠和

營業中

休息中

第一次入塔門，朋友介紹一定要試呢度嘅海膽炒飯！最初諗起平時食嘅海膽炒飯都冇咩特別，所以冇咩特別期望⋯一黎到咁啱唔駛等有位（到我地食完果陣出面排哂隊）二個人叫左海膽炒飯、炸墨魚丸、豆腐花同薑汁奶茶。海膽炒飯：好香好好味 未食過咁多海膽嘅炒飯，雖然$98一碟但絕對值得！同埋size都夠大。炸墨魚丸：魚旦入面加左墨魚，叫到幾多油下，個人覺得不吃也罷。豆腐花：我唔識分好同唔好嘅豆腐花，但佢呢個都幾滑。薑汁奶茶：奶茶加入左適當嘅薑汁味，我好鍾意，不過佢茶味就比一般奶茶淡。總括黎講呢度嘅野食都好好味，推介推介