影片
更多
2019-02-09
62 瀏覽
喺中環返工間唔中經過石板街，一定會比佢個門面吸引到！先唔講嘢食，單單佢門口果一串大燈籠已經比到個好有特色嘅感覺人，令人好想一試。一入去就會見到小巧嘅內部，好有去日本食居酒屋嘅感覺。 成間舖都會見到佢主打嘅十層海膽杯！無論係電視仔入面嘅宣傳片，定每個人嘅枱上面，都會見到呢個杯！咁呢得呢間舖，就一定要試下架啦！點左一杯同朋友分享未食主打，先嚟個前菜先！點左個好有特色嘅楊枝甘露沙律。楊枝甘露最重要梗係啲芒果架啦！雖然唔清楚咩品種，但好鬼甜，配埋啲沙律甜甜酸酸咁，幾好食！之後就係個主打！！無認真數佢有幾層，因為影完相就忍唔住落手！第一係厚厚嘅海膽加燒白飯魚乾、海葡萄、吞拿魚蓉、三文魚籽、海膽、海膽、海膽、海膽同海膽。其實仲有其他，但我就食唔出係咩，只係知愈食愈有層次。再嚟呢飽魚雞翼！十分頂癮！雞翼入面有隻鮑魚仔，好唔同嘅口感，加上啲燒工，係不錯嘅 。再嚟兩個芝士年糕，唔太漏又重芝士味，加上個脆皮，推呀！緊隨其後嘅係蟹蓋，你以為蟹膏已經夠邪惡？咁你要試下呢個海膽蟹蓋哪！呢兩隻海鮮嘅交融，好正！差唔多到飽，但又差啲啲咁，所以嚟個飽肚嘅 雲海板上飄！又又又係海膽，再上麵條，飽肚又滿足。最後嘅甜品雪糕
一入去就會見到小巧嘅內部，好有去日本食居酒屋嘅感覺。
成間舖都會見到佢主打嘅十層海膽杯！無論係電視仔入面嘅宣傳片，定每個人嘅枱上面，都會見到呢個杯！咁呢得呢間舖，就一定要試下架啦！點左一杯同朋友分享
未食主打，先嚟個前菜先！點左個好有特色嘅楊枝甘露沙律。楊枝甘露最重要梗係啲芒果架啦！雖然唔清楚咩品種，但好鬼甜，配埋啲沙律甜甜酸酸咁，幾好食！
之後就係個主打！！無認真數佢有幾層，因為影完相就忍唔住落手！第一係厚厚嘅海膽加燒白飯魚乾、海葡萄、吞拿魚蓉、三文魚籽、海膽、海膽、海膽、海膽同海膽。其實仲有其他，但我就食唔出係咩，只係知愈食愈有層次。
再嚟呢飽魚雞翼！十分頂癮！雞翼入面有隻鮑魚仔，好唔同嘅口感，加上啲燒工，係不錯嘅 。
再嚟兩個芝士年糕，唔太漏又重芝士味，加上個脆皮，推呀！
緊隨其後嘅係蟹蓋，你以為蟹膏已經夠邪惡？咁你要試下呢個海膽蟹蓋哪！呢兩隻海鮮嘅交融，好正！
差唔多到飽，但又差啲啲咁，所以嚟個飽肚嘅 雲海板上飄！又又又係海膽，再上麵條，飽肚又滿足。
最後嘅甜品雪糕！絕對唔係咩普通3.6牛乳雪糕，而係加左海膽去整，再加喺面嘅海膽雪糕！咸咸地嘅雪糕好值得一試！
張貼
