海街丼 (E-Max) (已結業)

鐘意揸車嘅人又鐘意睇戲，一定會去EMAX，但去開呢度睇戲就知，呢度無乜嘢食，除左以前最愛嘅蕃滿門外，就最想食呢間海街丼。有一排丼飯成行成市，中環的海言當然係重點，但海街丼一直都係食丼飯嘅代表作，久不久去下，都唔係太差。成年無黎過，就叫過最貴嘅丼飯，加少少前菜，咁就一餐，簡單食下快去睇戲，不用十分鐘就完成。廚司推薦丼，有呑拿赤身，拖羅，金目鯛，海膽，玉子，深海池魚，仲有三文魚籽，應該係勁令人滿意嘅一個選擇 ，似足築地感覺，二百幾平過中環價錢好多。特別愛赤身，而海膽太少，赤身同池魚又係好新鮮，最特別係呢到嘅飯，要自己加啫喱醋，太耐無黎，唔記得呢個食法，都幾得人驚，鐘唔鐘意見人見致，個人覺得幾得意。不過最好係佢有好多飯，原因係後面有個魚湯可做泡飯，仲有好多配菜整個泡飯，好此道者必愛。另外前菜凍辣蕃茄同醬油菠菜都好唔錯，開胃而味道有特色，大碟而且幾好打卡，多人就一定要點多幾個點心試試。行過黎睇戲都應該要試下，絕對會係大部人嘅飯堂。