戀上台式料理

營業中

休息中

匿埋喺屋企咁多日真係好悶，去咗將軍澳海旁行。將軍澳發展快，原先只有的單車徑同行人路，依家旁邊已經開埋嘅餐廳。 lunch time入咗去一間台式料理餐廳試下， 餐廳名好得意，叫做《戀上台式料理》。Order左爐端燒既熊本日本和牛 同埋西班牙黑毛豬。另外叫一分戀戀蚵仔煎。蚵仔煎係台灣美食中我最鍾意嘅其中之一， 每次去台灣 ，我都會每日食一份蚵仔煎。平時台灣食到嘅蚵仔煎薯粉比例係會比較多。呢一間明顯薯粉比例比較少 ，唔會笠住個口 ，啱啱好將雞蛋同蚵仔黏住唔易散開。 如果鍾意食薯粉呢個蚵仔煎 你哋一定喜歡。台式爐端燒 畀我嘅感覺就有啲似 韓燒，但係無咁油膩。 而今次嘅和牛同黑毛豬都非常新鮮，和牛 脂肪比例好，兩種肉類上菜時已經加咗黑椒 調味，上爐後燒至轉色，搽埋佢哋嘅燒醬汁，攪掂食得。 好香肉味，非常juicy ，推薦。