鳥華亭

營業中

休息中

一陣去上堂，仲要上到10點，唔搵啲嘢食下都搞唔掂，個附近逛下，搵到呢間食拉麵都好喎！好，坐低睇下有咩好食先。北海道產蝦味噌雞白湯拉麵，成個麵擺得好靚好整齊，海量櫻花蝦好吸引啊！櫻花蝦集咸、香、脆於一身，超正！試一啖湯底非常濃厚，配料有洋蔥條、青蔥和露荀，叫左直麵，爽口麵條又索到湯底。白雞肉，望上去白雪雪，但食落去係軟腍滑雞肉，仲好有肉味。加$38有巨峰提子梳打和蟹肉餅，好抵喎！巨峰提子梳打，飲落又涼又爽，味味清甜。蟹肉餅，炸得好脆口，裡面忌廉好香滑。