相馬日式火鍋 (已結業)

今日同男朋友係西營盤呢間相馬食晚餐，食得非常之豐富豪華。大部份嘢都係任食，任食大閘蟹，任食海鮮，任食火鍋材料，任食串燒炸物，任食甜品，好多好多嘅任食。大閘蟹就係呢個時候食最正，蟹膏又多又甜，橙黃色嘅蟹膏非常吸引，點都要食多幾隻。海鮮除咗大閘蟹之外，仲有一個海鮮蒸鍋，雖然冇得任食，但份量都好足夠，帶子，蝦，水魷魚，鮑魚，蟹棒，青口，用蒜蓉清蒸好好味！火鍋湯底係胡椒花膠雞湯，湯底唔會太濃味，用嚟打邊爐都唔會搶咗火鍋材料嘅鮮味，湯底足料有新鮮，冇落味精嘅當湯飲都一樣咁健康。火鍋當然係用嚟食肉同食菜啦！豚肉，雞肉，牛肉，生菜，冬菇，豆腐，食到舔舔脷小食亦非常豐富，有炸墨魚丸，炸蟹籽丸，炸牛丸，午餐肉，翠玉瓜，炸韭菜肥牛串，好多都係新鮮炸出嚟！