金牌源記 (已結業)

呢間金牌源記 (荃灣)果真令我大開眼界！佢屹立喺荃灣鱟地坊62號地舖，鍾意食海鮮嘅朋友千祈唔好錯過。裏面主打都係食海鮮餐，晚市更加堆滿人，大家去之前可以打電話問吓有冇位。裏面嘅海鮮套餐已經包羅萬有！基本上唔使額外再加任何海鮮，首先第一樣野飲咗佢嘅是日精選無添加清燉湯，猴頭菇再加瘦肉，聽店主話由朝煲到晚，果然非常入味，而且藥材味很重，證明十分足料，飲完之後好滿足。每一樣海鮮蒸嘅時間都唔同，牆上面有張說明書可以比你參考。首先係蒜蓉粉絲蒸波士頓龍蝦，蒜蓉粉絲十分入味，仲有呢隻波士頓龍蝦，重到我左手爭啲冇力拎起，佢嘅肉質彈牙，新鮮美味而且肉夠大件！第一次覺得龍蝦原來這麼美味。下一道菜是菓皮蒸十頭鮮鮑魚，這隻十頭鮮鮑魚十分矜貴，吃下去是感覺與其他鮑魚不同，它很有咬口，而且陳皮味滲進肉中，滋味多汁，而且有回甘感。在煮法方面其實，可以叫師傅預先𠝹花或者清蒸，我們選擇了清蒸一樣好吃！蒸大鱔方面，分別可以選擇可選豉汁或梅子，我們選擇了最原始的豉汁，那個蒸大鱔鮮味非常，非常彈牙。而且骨膠原十足，單是那塊魚皮，呈現膠質狀態，回味無窮。其餘海鮮亦十分新鮮，可以盡情和朋友暢談至凌晨三點，真開心。