影片
更多
2011-05-26
129 瀏覽
三木係香港一間幾好既韓國餐廳, 但今次真係食到無名火起。俗語有話「好眉好貌生沙蚤」，真係幾貼切。綜觀佢地既服務，暴力以外都係暴力。如果你唔想成為下一個受害既食客，請你用兩分鐘聽下我既經歷。5月21日星期六，訂左6個人食生日飯，壽星仔係超級韓國迷。枱訂了7:30，7:45我地落單，但因為有一個大食友未黎，所以我地點左最基本既(有6樣主菜，計落都叫左5、6百蚊架，但係未點燒肉)，諗著到齊等佢拍板再叫。我地本來開開心心傾緊計，有位侍應好似轟炸機咁行埋來：「唔好意思，我地今晚BOOKING好FULL，有最低消費。」「哦，係呀。我地其實未叫齊，等齊人會再叫。」唔知點解，問佢最低消費係幾多問極都UP唔出咁，UP左好耐終於話係$150/HEAD，好似自己作出黎咁。其實食呢間野，$150/HEAD係預料之中。有趣既係，點解一早佢唔講有MINIMUM CHARGE，佢可以1)係訂枱既時候講，2)ORDER之前講低一聲，又或者3) 係MENU度印低，甚至 4) 係牆上面貼張告示。不過佢地冇咁做，而係選擇左 5) 係落ORDER之後搵個人來話俾你知，你地叫得太少啦。睇返以往既食評，你仲會發現佢地既MINIM
5月21日星期六，訂左6個人食生日飯，壽星仔係超級韓國迷。枱訂了7:30，7:45我地落單，但因為有一個大食友未黎，所以我地點左最基本既(有6樣主菜，計落都叫左5、6百蚊架，但係未點燒肉)，諗著到齊等佢拍板再叫。我地本來開開心心傾緊計，有位侍應好似轟炸機咁行埋來：
「唔好意思，我地今晚BOOKING好FULL，有最低消費。」
「哦，係呀。我地其實未叫齊，等齊人會再叫。」
唔知點解，問佢最低消費係幾多問極都UP唔出咁，UP左好耐終於話係$150/HEAD，好似自己作出黎咁。其實食呢間野，$150/HEAD係預料之中。有趣既係，點解一早佢唔講有MINIMUM CHARGE，佢可以1)係訂枱既時候講，2)ORDER之前講低一聲，又或者3) 係MENU度印低，甚至 4) 係牆上面貼張告示。不過佢地冇咁做，而係選擇左 5) 係落ORDER之後搵個人來話俾你知，你地叫得太少啦。睇返以往既食評，你仲會發現佢地既MINIMUM CHARGE係海鮮價！！！！古惑的MINIMUM CHARGE是也！
咁我地已經有D唔高興，十足十俾個導遊監你買野咁囉，唔買就俾氣你受。
未幾，佢又行過來，「唔好意思，今晚BOOKING好FULL，你地可唔可以8:30交番張枱出黎？」大家對下錶，8點正，嘩，大佬，得返半個鐘點食呀？
後加MINIMUM CHARGE都算，後加交枱時間真係有D欺人太甚。「我地人都未齊，再講，你地唔係應該一早講低有交枱時間架咩？」
「我知，不過今晚真係好FULL，你地8:30可唔可以交返出來？」講到係我地欠左佢張枱咁。
平時好文靜既M終於忍唔著，好禮貌咁話：「對唔著，我諗係冇可能。而家已經8點，得半個鐘點食呀？」
呢個時候個侍應已經轉左TONE，唔係「請」我地交枱，而係「通知」我地8:30要交枱，「BOOKING太FULL，唔該你地8:30交枱啦。」
我冇見過一間咁厚顏既餐廳。BOOKING好FULL？我地都有做BOOKING個喎。點解來食生日飯要食到俾人欺壓俾人趕？佢地既手段好暴力而且唔講理，彈弓手，想盡辦法逼你叫多D，如果唔得就逼你走。好似同緊我地講，「我地呢度真係唔歡迎叫得少既客人囉」。
講到出哂面，食落去都冇癮，我地就同個侍應講，咁我地唔食啦。我出到門口，同個睇場既阿姐投訴，佢又係講到一舊舊，我諗個意思係，呢度係咁架，如果你地只係點夠MINIMUM CHARGE，就會連帶有交枱時間。真係古惑，我想問，到底叫多過MINIMUM CHARGE幾多先至冇交枱時間呢？200蚊?300蚊? (個MINIMUM CHARGE仲要係海鮮價喎)
呢個時候，阿姐黑面話，「啱啱個侍應咁真係唔好意思，不過我而家好忙。」意思係唔該你唔好再阻著我做生意。
遇到咁既待遇，實在不吐不快。我有次同個朋友黎，佢係呢間餐廳既VIP。個老闆娘仲拎左D私伙泡菜請我地食。我只慨嘆世界都係好現實既，如果你唔係VIP，就真係諗清楚至好啦。
張貼