棠記海鮮小廚

營業中

休息中

放假去屯門黃金海岸玩完，就過咗嚟三聖邨食海鮮，買咗2款海鮮嚟呢間棠記海鮮加工，另外再點咗2個小炒，都幾抵食。🦐椒鹽賴尿蝦賴尿蝦新鮮，都算幾多肉，用椒鹽方法炮製，非常香口，我哋兩個食夠舔舔脷😋。✨油鹽水煮花甲花甲味道鮮甜，雖然話只係油鹽水煮，但係亦都見到落咗炸香咗嘅蒜頭🧄、杞子、芫荽🌿等，所以湯底超鮮甜；仲落咗啲粉絲一齊煮，粉絲吸收咗濃郁嘅湯底，亦都好味。🍍菠蘿咕嚕肉$138咕嚕肉酸酸甜甜，外邊仲依然脆脆哋，好香口；仲配有多汁好甜嘅菠蘿片。🥬金銀蛋肉鬆扒時疏$88時疏係莧菜，新鮮幾爽口，仲超級大碟，加金銀蛋、肉鬆、高湯一齊煮提鮮清甜。下次帶埋屋企人一齊嚟先～