二家姐正宗原味麻辣火鍋

營業中

休息中

二家姐火鍋係我幾日前食既一間火鍋邊爐店，環境好，四周有好多掛畫，餐廳裝飾得好食野都特別開心。今次去就叫左個焉鴦湯底，唔辣果一個係藥膳湯底，有少少藥材，但唔會話太苦或者甘，都算清清地，好適合小朋友或者老人家。另一個係小辣麻辣湯底，雖然只係小辣，但已經辣得好緊要，如果食得辣既朋友應該會好中意，因為佢唔係得辣，而係有麻痺既感覺，湯底全部都係辣椒，好足料，但食唔到辣既就建議食藥膳湯底啦。今次試左佢既海鮮，聖子好好好大隻，而且唔痴殼，好新鮮，食落口口感足，海水味唔濃，價錢黎講都大眾化，一人一隻都食得幾滿意。但我比較中意食佢既一桶蠔，桶蠔其實都係一蝶上，一蝶8隻，每隻都有三分二隻手掌咁大，味道偏濃同咸，淡既湯底都唔會太搶味，但如果係辣湯底就可能會搶啦。如果係平價配菜既話，我推介三色丸同雜茶桶，三色丸雖然唔知係未手打，但唔算好粉，同埋都新鮮既，平價配茶黎講算係穩打穩陣。雜菜桶有娃娃菜，生菜，菜心之類，一家人唔想叫咁多款菜既話可以考慮下，打邊爐無菜真係太肥膩啦。