有蒸氣 海鮮石鍋專門店 (已結業)

好多朋友鐘意食海鮮，約咗成班一齊食蒸氣火鍋，夠多海鮮仲要夠新鮮🥰今次黎到尖沙咀呢間有蒸氣，坐得都幾舒服，卡位幾大張～用咗冬瓜盅做湯底，所以會煮咗冬瓜同其他材料先～ 之後第一樣食到嘅嘢就係呢個黑松露蒸蛋，出邊食到嘅蒸蛋總係特別香同特別滑。之後就開始食海鮮！！有沙包蜆，海中蝦，花蟹（每位半隻)，大連鮑魚，美國桶蠔。店員會幫你將海鮮放入蒸氣石鍋，用個計時器計住蒸既時間，之後會再分上碟🤤 海鮮係十分之新鮮同鮮甜🤤 每位398實在物超所值食完海鮮之後就開始食火鍋，都係用返冬瓜盅個湯底，會有豚肉，娃娃菜，同埋四寶丸，每人只有2粒，所以要睇下邊個鍾意食邊款😂 豚肉味道都唔錯最後飲埋個冬瓜湯就飽喇～