緣味小聚 (93WYS)

營業中

休息中

之前無聊睇吓社交平台嘅時候無意中發現咗呢一間緣味小聚😍呢一間餐廳真係好多人介紹，性價比好高，價錢又好抵！所以今日都忍唔住要過嚟呢度試吓！一去到嘅時候就已經見到可以有180分鐘任食嘅海鮮蒸鍋同埋火鍋，仲有其他點心同埋小食！就咁睇到已經流晒口水非常豐富！首先一嚟嘅就梗係要食下呢一度嘅海鮮蒸鍋啦😊我自己真係好鍾意食呢度嘅琵琶蝦，呢隻琵琶就咁睇落去就已經覺得非常吸引，真係好大隻！而且落去嘅時候啖啖肉真係好爽！非常鮮甜！另外就係呢一度嘅蜆肉亦都好好食！唔好睇佢細細粒咁，不過都係相當之飽滿！細細粒但係鮮甜美都係十足嘅！