影片
更多
2017-07-23
2819 瀏覽
同老婆及一位朋友去鯉魚門食海鮮，老婆佢好期待，我都想佢食得開心滿意，可惜是晚海鮮晚飯有少許美中不足。簡單來說，呢度海鮮新鮮，但煮法麻麻，可以更好。一坐低就有碟鹵水翼尖，幾入味嘅。皮蛋酸薑：皮蛋都算流心，不過不失咁啦。白灼蝦：呢個煮法冇難度，啲蝦夠新鮮，連殻咬落去都係脆嘅。椒鹽瀨尿蝦：呢度係兩隻份量，每隻瀨尿蝦都好大隻，所以切開黎炸都有好多件，炸蒜香口，但好似唔係好入味落啲蝦度咁。象拔蚌（兩食）1. 刺身：食個鮮味，唔錯。2.蚌膽煲粥：感覺煲粥同肝膽係分別處理嘅，因為碗粥係無味嘅，似係煲好咗在加咗啲蚌膽落去，有啲失望。清蒸瓜子斑：最穩陣嘅煮法，蒸魚豉油撈飯一流！呢個大推！油鹽水焗奄仔蟹：呢個時節最適合食奄仔蟹呢，呢度兩仔蟹都好多蟹膏呢，但就略嫌焗出黎偏油，而且呢碟蟹係相隔好耐，催左幾次至到呢！贈送西瓜一碟，當造之果物，香甜多汁！再加個芒果布甸（$26）：好多果肉，冇咁artificial，呢個好食！埋單（連海鮮料錢$1799）共$2465，有啲價錢唔知點計，海鮮質素唔錯，如果可以改善下個粥同油鹽水焗蟹嘅整法會更好味！
簡單來說，呢度海鮮新鮮，但煮法麻麻，可以更好。
一坐低就有碟鹵水翼尖，幾入味嘅。
皮蛋酸薑：皮蛋都算流心，不過不失咁啦。
白灼蝦：呢個煮法冇難度，啲蝦夠新鮮，連殻咬落去都係脆嘅。
椒鹽瀨尿蝦：
呢度係兩隻份量，
每隻瀨尿蝦都好大隻，
所以切開黎炸都有好多件，
炸蒜香口，
但好似唔係好入味落啲蝦度咁。
象拔蚌（兩食）
1. 刺身：食個鮮味，唔錯。
2.蚌膽煲粥：
感覺煲粥同肝膽係分別處理嘅，
因為碗粥係無味嘅，
似係煲好咗在加咗啲蚌膽落去，
有啲失望。
清蒸瓜子斑：最穩陣嘅煮法，
蒸魚豉油撈飯一流！呢個大推！
油鹽水焗奄仔蟹：
呢個時節最適合食奄仔蟹呢，
呢度兩仔蟹都好多蟹膏呢，
但就略嫌焗出黎偏油，
而且呢碟蟹係相隔好耐，
催左幾次至到呢！
贈送西瓜一碟，當造之果物，香甜多汁！
再加個芒果布甸（$26）：
好多果肉，冇咁artificial，呢個好食！
埋單（連海鮮料錢$1799）共$2465，
有啲價錢唔知點計，
海鮮質素唔錯，
如果可以改善下個粥同油鹽水焗蟹嘅整法會更好味！
張貼
