鍋卷鳴門 (已結業)

簡直係心中No. 1海鮮放題，今次我哋係平日午市2人，OpenRice 訂位有8折，埋單$1058。海鮮全部都係鮮活，有賴尿蝦，蟹，蝦，鮑魚，貝類，自己夾，不過個桶有啲細，而且每檯得一個筒，所以建議一開始夾多幾轉煮咗，先慢慢食。水缸啲水目測乾淨，賴尿蝦同蝦好生猛，鮑魚勁大隻。至於好味程度就中上，賴尿蝦有水缸啲水味，但都理解到，因為即撈即煮，鮑魚記得清理好內在先食，內臟有好多粉紅色飼料未消化完，但肉質鮮美，大啖肉咁食鮑魚真係好爽。花蟹（同賴尿蝦一樣都只有公）不過啲蟹實肉，蟹肉又嫩又甜。蝦同貝類就同其他餐廳一樣，正常水準。建議用蕃茄湯底，可以蓋過水缸啲水味。由於全程專注於海鮮，刺身只試過三文魚，感覺一般， A5和牛正常水準，沒有驚艷之處。另外有出面一堆菜，丸，粉麵，但就一定唔會試啦。飲品幾乎全部有氣飲品，只有紅茶無氣。雪糕有雀巢甜筒，石板街，阿波羅雪糕，雪糕三文治， Häagen-Dazs，Movenpick，Dreyers，認真齊全。美中不足嘅就係得90分鐘，食得好趕，晚市好似有120分鐘，不過強烈建議大家平日午市，因為幾乎冇人，我同朋友兩個人，食到尾聲先至有第二枱客，估計晚市勁多人，夾