潮福蒸氣石鍋 (已結業)

厚福街真係多嘢食早輪食左水上人，今次試下潮福先幾特別噃，食蒸鍋前先㨂個燉湯，我㨂左姬菘茸螺肉湯，好清香，姬菘茸爽口，螺肉夠林，冇味精再嚟個乳鴿，皮香肉嫩，醃得好入味，但又吾會太鹹，都吾使醮浙醋都好好味嫩到連啲骨都係軟嘅每人半隻龍蝦，size都吾細，肉實而爽，夠新鮮，夠清甜貝殼盛盤，蜆和北寄貝都脹卜卜，冇沙，清甜，醬料都吾洗醮自己㨂四款海鮮，我要左聖子皇，鮑魚，石蠔和桶蠔因為我超喜歡蠔聖子長過隻碟，不愧為"皇"鮮甜爽口，正！石蠔肉嫩，多汁，冇腥味，原來比桶蠔還好吃桶蠔都不錯，只是比石蠔遜色少少啫鮑魚爽口吾韌，加上蟲草花，鮮味更突出除海鮮外，其他食物飲品都是任叫其實食晒剛才嘅海鮮，都飽左七七八八，不過都要食返幾轉和牛嘅有和牛肉同和牛粒，兩款都牛味足，吾怕韌，好味啤酒仲係我喜歡嘅Asahi 吾會似其他放題俾啲平啤酒，值得一讚哦三百幾蚊，又飲又食，真係返晒本啦