Mana Thai Kitchen (已結業)

好耐無食泰國菜啦！今日去左灣仔既Mana Thai Kitchen，裝潢以木系為主，燈光非常充足。- 牛肉船麵湯底呈深啡色，味道偏向冬陰功，但一啲都唔辣🤔。食材方面非常豐富，除左牛肉之外仲有牛丸、炸豬皮同牛腩。金邊粉爽滑吸汁，另外仲有大量芽菜，金邊粉一樣好索汁。- 海鮮炒河河粉比起平時茶餐廳食開既河粉好唔同，口感非常煙韌，而且炒得幾乾身，唔會話太油膩。海鮮以蝦同魷魚為主，加上旁邊嘅辣椒粉，整體味道非常惹味。- 泰式烤豬頸肉呢個豬頸肉真係世界級好味😋，份量都不在話下，豬頸肉爽口焦香，肥瘦比例均勻，肉汁豐富。- 芒果沙冰夏天飲沙冰一流👍🏻，不過飲落完全唔甜同無咩芒果味🤣泰式烤豬頸肉同海鮮炒河令我最深刻，下次再嚟一定會叫返呢兩款！