Running 燒 (已結業)

太耐無食過韓燒啦,見屋企附近有呢間,就叫埋屋企人去食,趁依家仲有晚市,真係有得食好食啦！佢係半自助式既仼食,大部份嘅海鮮同肉都係QR code落單,飲品、蔬菜、醬料、泡菜同甜品就要自己出去攞～基本上每款都有叫黎試吓,有幾款肉同海鮮特別出色！牛肉方面,雪花牛仔肉、烤肥牛、牛五花肉都好有牛味, Encore左幾轉！豬肉就差唔多,用黎菜包肉一流。海鮮特別推介帶子,好新鮮,呢個都Encore左三次哈哈。同埋要推薦個水冷麵,解膩一流,麵質好有彈性,幾有驚喜～另外要講下侍應嘅服務好唔錯,見你有咩需要會即時幫忙,而且見你枱面冇晒肉,會問你再叫咗未～