金滿膳燒味餐室 (已結業)

今日老公生日，佢話要食海鮮。同佢去金滿膳慶祝，又啤一啤佢，金滿膳係牛頭角牛頭角道357-375號仁安大廈地下，有燒味，海鮮，串燒，炒粉麵飯食。佢地D燒味係自設工場燒，有品質保證！不過今日就食海鮮生日飯啦，下次再食過燒味。今餐生日飯食左3個海鲜，有原隻生蠔🦪 、麻辣小龍蝦和開心花甲粉。 🦪生蠔連殻用蒜蓉同辣椒蒸，再灑上蔥花，好味又好睇，食得出D生蠔係新鮮的，正！🦞麻辣小龍蝦，有好多隻，小龍蝦啖啖肉，麻辣汁夠惹味，小龍蝦吸收曬啲麻辣汁，未食都流口水呀🤤食得辣的朋友，用D汁撈飯一流呀！花甲粉有粉絲，金針菇，當然仲有主角花甲啦！花甲就用蒜蓉和辣椒做調料，所有材料包曬入鍚紙再拎去焗，一打開就有好香蒜味，聞到都好香。加左辣椒有小小辣，所以好惹味。食咁多海鮮，食番個菜清下腸胃，叫個錫紙焗娃娃菜啦！娃娃菜用蒜蓉調味，包曬所有材料入去焗，打開個刻有好香的蒜味湧出來，好香呀！